Гласни идеи

Подкастот Гласни идеи настана како иницијатива да се слушнат обесправените работници, да се истакнат потребите на социјално загрозените лица, и да се потенцираат проблемите кои ги засегаат сите луѓе, а кои не стигаат до најавните шпици на вестите и не се топ тема во интернет просторот. Гласни идеи е еманципаторска и организациска алатка на група активисти со социјалистички поглед на стварноста – која е нашминкана или под тешки слоеви магла, благодарение на владејачката идеологија. И додека останатите медиуми гребат по површината на проблемите или прикажуваат сосема искривена слика за состојбите, Гласни идеи низ дебатни емисии, пишани и видео интервјуа, колумни и репортажи – секогаш се труди да даде класна анализа на состојбите и поинаква перспектива за иднината. Се работи за нов тип на подкаст – активистички подкаст, независен од политичките центри на моќ. Токму врз основа на таквата независност, Гласни идеи го пренесува гласот на обезгласените, а тоа се младите, студентите, работниците и маргинализираните заедници. Гласни идеи го претставува тивкото мнозинство, обични луѓе кои се повеќе ќе стануваат гласни пред неправдите и нееднаквоста.