正念科學

身為一個喺香港大、喺泰國教書嘅教育學博士 (PhD)，我同好多香港朋友一樣，生活節奏快到停唔落嚟。我哋精通理財、精通科技、精通點樣喺競爭中生存，但偏偏對自己嘅情緒同念頭「一竅不通」——我稱之為 [心理文盲]。 呢個 Podcast 唔係要教你點樣逃避現實去修行，而係要帶你做一場 「大腦實驗」。我會用科學嘅角度，拆解和簡化內觀禪修。 我有幸跟隨數名有豐富禪修經驗嘅正念導師。佢哋教識我，正念唔係坐喺度唔郁，而係一種「心理素養」。我會喺度分享我嘅 「實驗筆記」： *職場壓力：點樣喺忙碌中保持腦袋清醒，唔被負能量消耗？ * 人際關係：點樣睇穿自尊心同執著，令溝通唔再變做「開火」？ * 親子教育： 作為老師同媽媽，點樣培養細路仔嘅韌性，而唔係單純追求分數？ 如果你都覺得生活好攰，或者覺得自己被情緒「綁架」咗，歡迎加入我哋呢場 【正念革命】。我哋一齊學識「睇清念頭」，將心靈嘅軟體 Bug 一個個拔除。 我係阿欣，我唔係咩大師，我只係一個同你一齊喺生活戰場中，努力練習「愛得更好」嘅科學家。 * 正念唔係玄學，係一套令你生活得更有質感嘅科學。 * 睇清念頭，越活越快樂。