Заедно_Bashke

Оваа емисија го отвара муабетот за значењето на заедницата, но и за начините на кои градиме чувство на припадност.🌸Изминативе години сѐ повеќе ме инспирираат луѓе и групи кои создаваат заедници онаму каде што тоа недостига. Во тие заедници многумина наоѓаат место во кое се видливи, наоѓаат чувство на припадност и се охрабруваат да придонесат кон општеството на свој, автентичен начин. Читачки клубови, групи за заштита на животните, градинар(к)и, квир групи, маалски иницијативи, еко-активист(к)и, музички колективи и протестни движења се само дел од еден широк спектар на заедници во кои човек може да си најде дом.💰За жал, овие групи функционираат со ич или минимален буџет, па јавноста ретко успева да ја слушне нивната приказна.⬛️Од друга страна, глобалниот подем на фашизмот сѐ повеќе охрабрува создавање на националистички, расистички и сексистички заедници. Ваквите неформални и формални заедници успеваат лесно да стигнат до нас и масовно регрутираат млади луѓе кои трагаат по чувството на припадност.💡Затоа, оваа емисија ќе го стави светлото врз заедниците кои се конструктивни за општеството, заедниците кои спасуваат животи, промовираат мир и поттикнуваат позитивни акции.